Hamingjan við hafið hefst í dag
Bæjarhátíðin Hamingjan við hafið hefst í dag, 4. ágúst , með sýningu Leikhópsins Lottu í Skrúðgarðinum kl. 16.00. Að því loknu tekur við fjölbreytt og skemmtileg dagskrá sem stendur fram á laugardag, 9. ágúst . Hátíðinni lýkur með glæsilegum stórtónleikum í Skrúðgarðinum og síðan tekur við „ball ársins“, eins og segir í dagskránni. Að lokum setur flugeldasýning Mannbjargar punktinn yfir í-ið.
Grillað á 9-unni og dansinn stiginn
Sérstök dagskrá fyrir eldri borgara verður á 9. unni og hefst kl. 18.00. Gestir taka sjálfir með sér þá sem þeir vilja setja á grillið. Félag eldri borgara sér um sölu á léttu víni og bjór, en að öðru leyti kemur hver og einn með því sem hann kýs að drekka með matnum.
Kl. 19.00 hefst síðan hið vinsæla harmóníkuball sem stendur til kl. 21.00. Danssveit Úlfars Sigmarssonar leikur fyrir dansi og því er tilvalið að taka nokkur spor og njóta kvöldsins í góðum félagsskap.
Víða um bæinn má sjá glæsilegar skreytingar í hverfislitunum sem skapa skemmtilega og hátíðlega stemningu. Á Mánabraut, sem tilheyrir bláa hverfinu, hafa íbúar skreytt hús sín fallega og leggja þannig sitt af mörkum til hátíðarhaldanna.
Hamingjudagskráin er afar fjölbreytt og ættu allir að geta eitthvað við sitt hæfi meðal þeirra fjölmörgu sem í boði eru. Njótum hamingjunnar saman — dagskrá hátíðarinnar í heild má sjá hér.
